我記得!  早係一個月前我都已經記得, 今日係一個網友o既生日o  

舊年我好似重花左不少時間搵左套唱生日歌o既短片send 比佢, 但係今年我只會默默o係心裏面唱一首生日歌o 唔想再打擾佢啦! 因為都無聯絡好耐o 唔係怕一番心意得唔倒隻字回覆, 只係.......無咁o既必要囉! 我覺得或者大家o既緣份早就完左, 唔需要再去勉強o 勉強真係無幸福架!

人係好善忘架! 我諗明年今日的我, 會忘記左一個曾經相識o既人原來係6月24日生日o 不過諗諗吓又未必喎! 因為每年4月1日, 我都重記得係某一個人o既生日, 但係咁都好呀! 起碼證明我無老人痴呆嘛!