| | 今晚有d 驚喜啦! 因為追開果兩套日劇同台劇, 都可以今晚睇哂, 以前係要星期一先有好心人upload 上網嘛! THANKS! 好精彩! 想睇埋下一集, 但係電視台都未播, 睇風濕咩? 惟有等一個星期囉! 套日劇好睇, 除左係木村之外, 劇情其實都幾精彩O 好驚睇D 劇集, 佢郁吓條尾, 大概都估倒佢想 ALL 屎定ALL 尿, 好鬼悶! (所以無乜興趣追看無線D 劇啦, 除左之前套 "幗國梟雄" 比較估佢唔倒外, 其餘時裝劇悶到跟本連估都唔想哂腦力去估, 超無吸引力!) 至於套台劇, 嘩! 正! 一黎有我鍾意o既陳喬恩, 雖然之前有個女網友話佢又三白眼, 又話佢個樣醜樣, 但係我總係覺得佢可愛囉! 唔知點解總係覺得佢有少少梅姐o既影子o 今次尼套台劇" 福氣又安康" 令我覺得台劇o既劇本唔止係一套為左娛樂同高收視o既劇集, 重要係有d 野想講架! 由第一次見到個樣衰衰o既男主角, 嘩! 成日好面目猙獰o既表情, 又唔靚仔又討厭, 到慢慢發現佢之所以好冷血同無親情, 其實都係從少到大o既教育, 所以先會變成咁o 咁其實可以怪佢咩? 人生出黎都係白紙一張, 學好學壞, 好睇佢成長o既環境同佢身邊親人o既教導嘛! 比方若果你從少教一個小朋友, 明明白色, 但教左佢係黑色, 咁佢好理所當然每次見到白色, 佢都話係黑色架啦! 就正如最近好多人遣責正生d 學生咁, 做錯事要承擔o 比人鬧佢係吸毒妹/仔, 咁係事實嘛! 無鬧錯架, 鬼叫你錯過咩? 但係鬧佢地o既人, 都只係用自己o既經歷去想像, 每個人成長都要經過壓力架! 好似每一個家庭經歷o既野都係一個公式咁, 其實未必架! 未試過親歷其中, 點知當中有幾苦呢? 或者換左其中一個鬧人o既人處身其中, 佢都一樣會變左吸毒妹/仔, 都講唔埋架! 我都係果句啦! 希望自己可以 "待人以寬, 待己以嚴", 多d 體諒其他人同自己, 若果生命真係無take two, 咁都幾慘架! 不過我又信奉以命抵命, 因為尼種都真係大錯黎, 總之影響到其他無關係o既人, 事實上人生都係無take two架! 至於其他犯錯, 算把啦! 吸毒都係毒佢自己啫! 若果佢地想改過自身, 我地尼d 傍人, 唔需要特別去鼓勵, 三九唔識七, 只要少d 批評都算幫忙架啦! |
